Барааны тайлбар:

Цоодолын Хулан (МУСГЗ)

Өнгөрөгч он жилүүдэд бодсон жаахан бодол, олсон өчүүхэн ухаарал, үнэмшсэн их итгэл минь л энэ номд байгаа. Монгол хүн өөрийн дурсамж дуртатгалаа голдуу л нас дээр гарсан хойноо, ихэнхи нь түүнийг таньж мэдэхээ больчихсон, эрт цагийн явдлуудын өнгө будаг нь халцартлаа мартчихсан үед, дурсамжийнх нь гэрчүүд цагийн эрхээр өвгөрсөн, өөр ертөнц өөд буцсан тэр үед бичдэг, зарим нь бүр бичиж ч амждаггүй.
Би тэгэмгүй байна. Сайн хүнийг сайн гэдгийг, өөдгүй муухайг нүүрийг нь улалзтал дуудах нь цаг хугацаа хүлээгээд байх эд биш ажээ. Тэгэхээр энэ ном миний харуусал итгэлийн дуун юм.

"Зүгээр л нэг амьдрахсан" гэж би номоо нэрлэлээ. Хүн төрөлхтний чин хүсэл мэт энэ үгийг хүн бүрт ойлгуулахын төлөө, энэ эрээн ертөнцөд зүгээр л нэг амьдарч болохгүйн учир байна.

#807